"სამწუხაროდ, თუ კანონი მიიღეს, ეს ნაბიჯები გარდაუვალია", - ზურა ჯაფარიძე

საქართველოს პარლამენტი რუსული კანონის მიღებას მესამე მოსმენით უახლოეს დღეებში გეგმავს.

"გირჩი - მეტი თავისუფლების" თავმჯდომარე ზურა ჯაფარიძე ამბობს, რომ ამ კანონის მიღების შემთხვევაში დასავლეთისგან სრულ იზოლაციაში მოვექცევით:

„ჩვენდა სამწუხაროდ, თუ ეს „რუსული კანონი“ მიღებული იქნება, მსგავსი არა მხოლოდ მოწოდებები და განცხადებები, არამედ ნაბიჯები დასავლეთის მხრიდან სულ უფრო და უფრო მეტი იქნება.

ამის გააზრებით უნდა გამოვიდეთ ქუჩაში და ხელი შევუშალოთ იმას, რომ ეს კანონპროექტი არ მიიღონ, ხოლო შემდეგ გავუშვათ „ოცნება“ ხელისუფლებიდან”,- განაცხადა ჯაფარიძემ.