რადგან ჩემთვის მაინც ბავშვები ხართ და მაინც ვშფოთავ, ერთ რჩევას შემოგბედავთ - გია ხუხაშვილი

გია ხუხაშვილი წერს: 

ჩვენო საამაყო ახალგაზრდებო, ყველაფერი მომწონს, რასაც და როგორც აკეთებთ. მომწონს, როგორი პატრიოტები, ვაჟკაცები, ჭკვიანები ხართ. როგორ ოსტატურად უმკლავდებით ბოროტი მხეცების კლანჭებს და ქვეწარმავლების შხამს.

მიყვარხართ და მეამაყებით.

რადგან ჩემთვის მაინც ბავშვები ხართ და მაინც ვშფოთავ, ერთ რჩევას შემოგბედავთ:

თქვენს წამოწყებულ ამ საშვილიშვილო ბრძოლაში სამშობლოს გადასარჩენად მამა არა მაგრამ დედა ქუჩაშიც გჭირდებათ.

ასეთი დედობა დღეს შეუძლია გაგიწიოთ პრეზიდენტმა ზურაბიშვილმა, რომელიც თქვენი და ჩვენი გაგებით ერთადერთი ლეგიტიმური ფიგურა დარჩა ხელისუფლებაში.

დარწმუნებული ვარ, რომ თქვენ ამ ბრძოლას მოიგებთ, მაგრამ იფიქრეთ იმაზე, რომ გამარჯვების ხავერდოვან გაფორმებას, სჭირდება ლეგიტიმური ფიგურა, რომელიც ამაში დაგეხმარებათ.

მიდით, დაელაპარაკეთ. მგონია, რომ დამაგვირგვინებელ მომენტში ეს ძალიან გამოგადგებათ….