ჯოკოვიჩის ჯადოსნური დიეტა - რა საკვებზე ამბობს უარს ჩოგბურთელი
ნოვაკ ჯოკოვიჩი მსოფლიოში ერთ-ერთი ყველაზე პასუხისმგებლობის მქონე და პროფესიონალი სპორტსმენია. როცა ჩოგბურთს არ თამაშობს, ის იოგასა და პილატესში ვარჯიშობს და დიეტას იცავს.
ჯოკოვიჩის დიეტა
მსოფლიოს პირველი ჩოგანი ამბობს, რომ წარმატების მიღწევაში მცენარეული დიეტა ეხმარება, რომელსაც დიდი ხანია იცავს.
2014 წელს, თავის წიგნში "გამარჯვების გემო" ჯიკოვიჩმა აღიარა, რომ ჩოგბურთიდან წასვლისთვის ემზადებოდა, როდესაც გლუტენზე, შაქარსა და რძის პროდუქტებზე უარი თქვა.
დიეტის დაწყებიდან ძალიან მალე საჭმლის მომნელებელი სისტემის მუშაობა გაუმჯობესდა, სახსრების ტკივილი გაქრა, შრომისუნარიანობა გაიზარდა და დიდი გამარჯვებები მოვიდა.
თავიდან ჩემპიონის მენიუში შემწვარი ქათამი, თინუსი და ორაგული შედიოდა, მაგრამ მოგვიანებით, ჯოკოვიჩმა ხორცი, თევზი და სხვა ცხოველური პროდუქტები პარკოსნებით ჩაანაცვლა.
ჩოგბურთელი საკუთარ თავს ვეგანად არ მიიჩნევს: „არ მიყვარს, როცა იარლიყებს მაწებებენ, თუმცა, ბოლო რამდენიმე წლის მანძილზე ჩემი მენიუ მცენარეული პროდუქტებისგან შედგება“ - ამბობს ჩემპიონი.
გთავაზობთ ჯოკოვიჩის დიეტას, რომელიც, ლამაზი აღნაგობის გარდა, ახალგაზრდულ ენერგიას და წარმატებებს მოგიტანთ.
საუზმე
მუსლი თხილით, ჩირით და ნუშის რძით
ან
ბანანი ქეშიუს კარაქით, ხილით და ორი სუფრის კოვზი თაფლით.
დილის ხემსი
• უგლუტენო პური ან კრეკერი ავოკადოსა და თინუსთან ერთად
ან
• ტოსტი ნუშის კარაქით და თაფლით
ან
• ჰუმუსი
სადილი
• სხვადასხვა მწვანილის სალათი
პასტა ასარჩევად:
• ბრინჯი პესტოს სოუსით
• პრიმავერა ბოსტნეულით
• სობას ლაფშა წითელი ბულგარული წიწაკით, რუკოლით, რეჰანითა და ქეშიუს სოუსით.
შუადღის ხემსი
• ვაშლი ქეშიუს კარაქით, ნესვით ან სხვა ხილით
ვახშამი
წვნიანი ასარჩევად:
• პომიდვრის წვნიანი
ან
• სტაფილოსა და ჯანჯაფილის წვნიანი
პარკოსნები ასარჩევად:
• კინოას და კომბოსტოს სალათი
ან
• სალათი ცეზარი თეთრი ლობიოთი და ბოსტნეულით
ან
• ცხარე ოსპი გოგრით.
ჯოკოვიჩი ერთადერთი ჩემპიონი არ არის, ვისაც ასეთი მენიუ აქვს. ლიონელ მესი, ლუის ჰამილტონი, ტომ ბრეიდი მცენარეული დიეტის წყალობით არა მხოლოდ ძლიერები და ამტანები არიან, არამედ ნაკლებ ტრავმებსაც იღებენ და წარმატებით აგრძელებენ სპორტულ კარიერას.
წყარო: funtime.ge
