ხვიჩა ემზადება, რომ მეტი ხელფასი მოითხოვოს - კლუბთან მოლაპარაკებები იწყება

როგორც მოგეხსენებათ, იტალიურ მედიაში ხვიჩა კვარაცხელიას კონტრაქტის შესახებ ახალ-ახალი ცნობები ვრცელდება.

ამ საკითხთან დაკავშირებით, გამოცემა "Il Mattino" განახლებულ ინფორმაციას გვთავაზობს.

წყაროს ცნობით, "პარტენოპეიმ" კვარას ახალ ხელშეკრულებაზეც უნდა იფიქროს, ვინაიდან ფეხბურთელის წარმომადგენლები ემზადებიან, რომ მეტი ხელფასი, კერძოდ 5 მილიონი ევრო მოითხოვონ.

გამოცემა აქვე დასძენს, რომ აღნიშნულ თემაზე მოლაპარაკებები საკმაოდ რთული გამოდგება.

ცნობისთვის, ხვიჩას ამჟამინდელი ხელფასი 1.2 მილიონ ევროს შეადგენს და მას კლუბთან ხელშეკრულება 2027 წელს უმთავრდება.