საქართველოში ახალი ავიარეისების დანიშვნის შესახებ წერს გავლენიანი ბრიტანული გამოცემა Financial Times !

Financial Times-მა დიდი ბრიტანეთიდან საქართველოში ახალი ავიარეისების დანიშვნაზე დაწერა

გავლენიანი ბრიტანული გამოცემა Financial Times წერს, რომ 2024 წლიდან ლონდონიდან თბილისის მიმართულებით ახალი ავიარეისები დაინიშნება. საქართველოს ტურიზმის ეროვნული ადმინისტრაციის ინფორმაციით, ფრენებს ორი პოპულარული ავიაკომპანია – easyJet და British Airways – განახორციელებს.

easyJet-ის რეისები ლონდონის ლუთონის აეროპორტიდან თბილისის საერთაშორისო აეროპორტის მიმართულებით აპრილში დაიწყება. Financial Times აღნიშნავს, რომ ეს იქნება ამ ავიაკომპანიის აღმოსავლეთით ყველაზე შორეული ფრენა, რადგან აქამდე easyJet ძირითადად დასავლეთ და ცენტრალურ ევროპაში დაფრინავდა.

ამასთან, British Airways აღადგენს ფრენებს ლონდონის ჰითროუს აეროპორტიდან თბილისის მიმართულებით. ბრიტანული ავიაკომპანია საქართველოს დედაქალაქში ბოლოს 2013 წელს დაფრინდა. ამ დროისთვის საქართველოსა და დიდ ბრიტანეთს შორის პირდაპირი საჰაერო მიმოსვლა არ ხორციელდებოდა.

Financial Times-ის სტატიის ავტორის რეკომენდაციები

სტატია ყურადღებას ამახვილებს საქართველოს როგორც ტურისტულად მომხიბვლელ ქვეყანაზე და მკითხველს ურჩევს მოინახულოს:

•თბილისი – ქვეყნის მდიდარი კულტურით და უნიკალური არქიტექტურით გამორჩეული დედაქალაქი;

•ყაზბეგი და სვანეთი – შთამბეჭდავი სამთო რეგიონები, სადაც ულამაზესი ბუნება და ტრადიციული კულტურა ერთმანეთთანაა შერწყმული.

მოსალოდნელია, რომ ახალი პირდაპირი ფრენები გააუმჯობესებს დიდ ბრიტანეთსა და საქართველოს შორის ტურისტულ კავშირებს და ხელს შეუწყობს ტურიზმის განვითარებას, რაც განსაკუთრებულ მნიშვნელობას ატარებს საქართველოს ეკონომიკისთვის.