ლაშა ბექაური სკანდალში გაეხვა და რას ამბობს ოლიმპიური ჩემპიონის დედა?

ოლიმპიური ჩემპიონი ლაშა ბექაური სკანდალში საკუთარი Instagram-ის გვერდზე გავრცელებული ვიდეოს გამო მოხვდა. ვიდეოში, რომელიც ინტერნეტში დიდი ინტერესით გავრცელდა, ჩანს, რომ სპორტსმენი გვიან ღამით, ჭავჭავაძის გამზირზე, Porsche-ს ფირმის ავტომობილით მოძრაობს და თან ლომის ბოკვერს ხელში იჭერს. კადრებმა სოციალურ ქსელში მღელვარება გამოიწვია და კრიტიკისა თუ ირონიის წყარო გახდა. ზოგი კომენტატორი ვიდეოს კადიროვის სტილს ადარებდა, რაც კიდევ უფრო გაამძაფრა განხილვები.

ამ საკითხზე განმარტება გააკეთა ლაშა ბექაურის დედამ, ვიკა წიკლაურმა. მან განაცხადა, რომ ლომის ბოკვერი მისი შვილის საკუთრება არ არის და არ იცის, როგორ აღმოჩნდა იგი ლაშას ხელში.

ლაშას სახლში ბოკვერი არ ჰყავს, მისი არ არის. სხვებმაც დადეს ამ ბოკვერთან ვიდეობი, მაგრამ ყველაფერი ლაშასი ჩანს. სახლში ძაღლი არ მოვაყვანინე და ლომის ბოკვერს სახლში რა უნდა?!“ – განაცხადა ვიკა წიკლაურმა.

მისი თქმით, ლაშას შინ არანაირი ეგზოტიკური ცხოველი არ ჰყავს, და ეს ვიდეო, სავარაუდოდ, შემთხვევით გადაღებული ან სხვა პირებთან დაკავშირებული გარემოებაა.

საზოგადოებაში ამ ფაქტმა სხვადასხვა რეაქცია გამოიწვია, ნაწილი აკრიტიკებს მსგავს ქმედებას, ხოლო სხვები ვიდეოს კურიოზად და სოციალურ ქსელში ყურადღების მიპყრობის საშუალებად აფასებენ. ვიდეოზე არსებულმა კრიტიკულმა კომენტარებმა ასევე გაამძაფრა დისკუსია იმაზე, თუ რამდენად საჭიროა ცნობილი ადამიანების მსგავსი საჯარო ქმედებები და მათი სოციალური პასუხისმგებლობა.