დედამიწის სასიცოცხლო ნიშნები სწრაფად უარესდება — 14 000 მეცნიერის გაფრთხილება კაცობრიობას

რას შეიძლება გაეერთიანებინა 34 ქვეყნის წარმომადგენელი 14 000 მეცნიერი ერთი აზრის გარშემო?

სამწუხაროდ, ეს კლიმატის კრიზისია. ახალ მოხსენებაში, ექსპერტები კიდევ ერთ გაფრთხილებას აქვეყნებენ ჩვენი პლანეტის მდგომარეობის შესახებ; მოხსენება ნამდვილად საგანგაშოა.

„ჩვენ თითქმის ან უკვე გადავკვეთეთ დედამიწის ეკოსისტემების კრიტიკულ ნაწილებთან დაკავშირებული გარდამტეხი წერტილები, მათ შორის, დასავლეთ ანტარქტიდისა და გრენლანდიის ყინულის საფარი, თბილწყლიანი მარჯნის რიფები და ამაზონის წვიმის ტყეები“, — წერენ მკვლევრები.

მათივე განცხადებით, ამ საგანგაშო ვითარებიდან გამომდინარე, საჭიროა მოკლე, ხშირი და ადვილად ხელმისაწვდომი განახლებები კლიმატის საგანგებო სიტუაციის შესახებ.

2019 წელს, ჟურნალ BioScience-ში 11 258-მა მეცნიერმა გამოაქვეყნა მოხსენება, რომელშიც მსოფლიოს იმ მკაცრი კლიმატის შესახებ აფრთხილებდნენ, რომლის წინაშეც ახლა ვდგავართ.

თითქმის ორი წლის შემდეგ, ამ მხრივ უკეთესობისკენ არაფერი შეცვლილა.

წყარო: 1tv.ge მეცნიერება