მზეზე ბოლო წლებში ყველაზე დიდი ამოფრქვევა მოხდა - რა გველის ჩვენ

მზეზე წარმოუდგენლად მასშტაბური ამოფრქვევა მოხდა.

14 დეკემბერს, მზის აქტიური ლაქის რეგიონმა, სახელად AR 3514, X2.8 კლასის მზის ანთება ამოაფრქვია; ეს გახლავთ ამოფრქვევის ყველაზე ძლიერი კატეგორია, რაც კი ჩვენს ვარსკვლავს ძალუძს. ამოფრქვევა ყველაზე ძლიერი იყო მზის ამჟამინდელ ციკლში და ყველაზე მძლავრი 2017 წლის სექტემბრის შემდეგ.

მოვლენამ სამხრეთ ამერიკის თავზე რადიოსიგნალთა საშუალო დონის ჩახშობა გამოიწვია — მაღალი სიხშირის რადიოსიგნალთა დროებითი დეგრადაცია ან სრული ჩახშობა დაახლოებით ორი საათის განმავლობაში.

აუცილებლად უნდა აღინიშნოს, რომ შეშფოთების მიზეზი არ არსებობს. მიუხედავად იმისა, რომ ამოფრქვევა მძლავრი იყო, ის პირდაპირ დედამიწისკენ კი არ იყო მომართული, არამედ ოდნავ სხვა მხარეს, რაც იმას ნიშნავს, რომ ნაკადმა ჩვენს პლანეტას შეიძლება სულაც არ დაარტყას. ანალიზები ამჟამად მიმდინარეობს და თუ აღმოჩნდა, რომ ამოფრქვევა დედამიწისკენ მოდის, ბრიტანეთის მეტეოროლოგიური ოფისის მონაცემებით, 17 დეკემბერს უნდა მოაღწიოს, რამაც შეიძლება, მცირე გეომაგნიტური შტორმი გამოიწვიოს.