დღეს ფინანსური თვალსაზრისით იღბლიანი დღეა - ნახეთ, აპრილში კიდევ რომელ დღეებში ღირს გარისკვა

ნუმეროლოგიური პროგნოზის მიხედვით, აპრილის პირველი კვირა შემოქმედებითობისთვის საუკეთესო პერიოდია. ახლა ყველაზე ხელსაყრელი დრო გაქვთ, რომ თქვენს ჰობის, საყვარელ საქმიანობას მიუბრუნდეთ, ან დაიწყოთ იმის გაკეთება, რაც სულ გინდოდათ, მაგრამ მოტივაცია არ გყოფნიდათ. თუკი რაიმეს შესწავლა, კურსის, ტრენინგის გავლა გსურდათ, გადადგით პირველი ნაბიჯები, დარეგისტრირდით, განვითარებას შეუდექით. წარმატების გაცილებით მეტი შანსი გექნებათ. დაუთმეთ უფრო მეტი დრო მეგობრებს, ოჯახის წევრებს, საყვარელ ადამიანებს. დადებითი ემოციები მთელი თვის განმავლობაში გაგყვებათ და თქვენს განწყობასა და საქმიანობაზეც აისახება.

ის, რაც თქვენი მხრიდან უფრო მეტ აქტიურობას, სიმტკიცესა და გამძლეობას მოითხოვს, ჯობს აპრილის მეორე კვირისთვის დაგეგმოთ. სწორედ ესაა პერიოდი, როდესაც მომატებულ ენერგიას იგრძნობთ და ბევრად მარტივად შეასრულებთ იმ საქმეებს, რომლებიც ადრე გერთულებოდათ.

ნუმეროლოგიური პროგნოზის მიხედვით, აპრილის მესამე კვირა აქტიური კომუნიკაციისათვის გამოგვადგება. ეს არის პერიოდი, როდესაც თამამად შეგიძლიათ, მოლაპარაკებები დაგეგმოთ, ესაუბროთ საყვარელ ადამიანებს, მოაგვაროთ უთანხმოებები, დაასრულოთ კონფლიქტები. აპრილის მეოთხე კვირა შემდეგი პერიოდის დაგეგმვას დაუთმეთ. ჩამოწერეთ თქვენი მიზნების შესახებ, მოინიშნეთ გარკვეული პერიოდიც, როდესაც განხორციელებას შეუდგებით და კონკრეტული განრიგი გაწერეთ. ეს აუცილებლად დაგეხმარებათ, რომ განსაზღვრულ დროში მიაღწიოთ იმას, რაც დაგეგმეთ.

2024 წლის აპრილში ფინანსური თვალსაზრისით, ყველაზე იღბლიანი დღეებია: 7, 8, 9, 13, 16, 17, 20, 21, 23, 24, 25, 29, 30. აღნიშნულ დღეებში წარმატების მიღწევის, ფინანსების დამატებითი გზის მიღებისა და გამართლების უფრო მეტი შესაძლებლობა გექნებათ. 

Primetime.