"მოგკლავს, მოშორდი! - კიდევ კარგი, ვიღაც უცნობმა დამიყვირა“ - რა მოხდა 87-ე ბაგა - ბაღის წინ?
სოციალურ ქსელში გვერდმა "ჩემი ქალაქი მკლავს" მომხმარებლის პოსტი გაავრცელა, რომელიც იტყობინება, რომ ქალაქში საშიში ადგილია ბაგა-ბაღის წინ, რომელშიც დენი გადის.
პოსტს უცვლელად გთავაზობთ:
"მოგკლავს, მოშორდი! - კიდევ კარგი, ვიღაც უცნობმა დამიყვირა. ლამის გამოვედე ამ სადენებს დღეს.
მეგობრებო, ბაგა-ბაღის წინ ხდება ეს!
დავრეკე მერიაში. უხეშად მიპასუხეს, მაგრამ კარგია, რომ მონაცემები მაინც ჩაიწერეს. თუმცა რად გინდათ? თბილსერვისისთვის გადაუციათ ეს ინფორმაცია. თბილსერვისი კი მე მირეკავს, ჩვენ ეს არ გვეხებაო თელასში დარეკეო, დავრეკე თელასში , გავაგებინე, ამასობაში გავიდა 15-20 წუთი სანამ გაერკვეოდნენ თუ ვის ეხებოდა ეს მკვლელი კაბელი
ჩვენისთანა ბედნიერი განა არის სადმე ერი?!
დღეს მე გადავრჩი.
გუშინ სხვა ვერ გადარჩა
ხვალ რა იქნება, თქვენ უპასუხეთ.
პოსტის ავტორი: სიკვდილსგადარჩენილი იღბლიანი მოქალაქე."
