მიიღეთ ეს ხილი დღეში მხოლოდ 100 გრამი და ჯანმრთელობა რადიკალურად შეგეცვლებათ

შტოში არის მცირე ზომის მუქი წითელი კენკრა, წარმოშობით ჩრდილოეთ ამერიკიდან. მას მკვეთრად მჟავე გემო აქვს, რის გამოც ხშირად იყენებენ ჩირის ან წვენის სახით, დამატებული შაქრით. შტოშს ამატებენ სხვადასხვა სახის ტკბილეულში, როგორიცაა მაფინები, ფუნთუშები და ნამცხვრები. ახალი შტოში ძირითადად გვიან შემოდგომაზე და ზამთრის დასაწყისში იშოვება, თუმცა გაყინული ან გამომშრალი სახით ის ხელმისაწვდომია მთელი წლის განმავლობაში.

100 გრამი ახალი შტოში შეიცავს მხოლოდ 46 კალორიას და მდიდარია ვიტამინებით: C, A და K. ასევე შეიცავს მინერალებს – კალიუმს, მაგნიუმს, ფოსფორსა და კალციუმს. მისი ყველაზე ღირებული კომპონენტი პროანტოციანიდებია – ბიოაქტიური ნაერთები, რომლებიც იცავს ორგანიზმს ქრონიკული დაავადებებისგან.

შტოშის ჯანმრთელობისთვის სასარგებლო თვისებები:

სიმსივნის საწინააღმდეგო მოქმედება – კვლევებმა ცხადყო, რომ შტოშში შემავალი ბიოაქტიური ნაერთები, მათ შორის კვერცეტინი და ურსოლის მჟავა, ხელს უშლიან სიმსივნური უჯრედების ზრდას.

ანთების საწინააღმდეგო ეფექტი – შტოში შეიცავს A ტიპის პროანტოციანიდებს, რომლებსაც გამოკვეთილი ანთების საწინააღმდეგო თვისებები აქვთ.

საშარდე გზების ინფექციების წინააღმდეგ – შტოშის წვენს უნარი აქვს შეამციროს E. coli-ის მიერ გამოწვეული ანთება და გამოიყენება საშარდე გზების ინფექციების პრევენციისთვის.

პირის ღრუს დაცვა – შტოშში შემავალი ნაერთები ამცირებს კბილების დაშლასა და ღრძილების ანთებას, აფერხებს კარიესის და პაროდონტიტის განვითარებას.

გულის ჯანმრთელობა და არტერიული წნევა – შტოში ამცირებს LDL ქოლესტერინის დაჟანგვას, რაც ხელს უწყობს გულის ჯანმრთელობას და წნევის რეგულირებას.

წყლულების პრევენცია – მასში შემავალი პროანტოციანიდები ხელს უშლიან Helicobacter pylori-ს განვითარებას, რომელიც პეპტიური წყლულის გამომწვევია.

გაფრთხილება:

შტოშს ზოგადად უსაფრთხოდ მიიჩნევენ, თუმცა დღეში 1 ლიტრზე მეტი წვენის მიღებამ შეიძლება გაზარდოს თირკმლის კენჭების წარმოქმნის რისკი. ასევე, ის, ვინც იღებს სისხლის გამათხელებელ პრეპარატ ვარფარინს, უნდა მოერიდოს შტოშის გადაჭარბებულ მოხმარებას. მნიშვნელოვანია, რომ შაქრიანი შტოშის წვენის ნაცვლად, უპირატესობა მიეცეს ბუნებრივ და შაქრის გარეშე პროდუქტს.