ვინ არის ულამაზესი გოგონა "ბოლო ზარიდან", რომლის ფოტომ სოციალური ქსელი მოიცვა

უკანასკნელი დღეების განმავლობაში განსაკუთრებით დიდი ყურადღება მიიპყრო გვანცა ჩიქოვანის ბოლო ზარის ფოტოებმა, რომლებიც სოციალური ქსელების მომხმარებლებს სწრაფად გაუვრცელდათ. სანახაობრივი გარეგნობის მქონე სენაკელმა გოგონამ წმინდა ალექსი შუშანიას სახელობის მართმადიდებლური სკოლა-გიმნაზია დაამთავრა, თუმცა მისი წარმატებები მხოლოდ გარეგნობით არ შემოიფარგლება - გვანცა განათლების კუთხითაც გამორჩეული მოსწავლეა.

როგორც AMBEBI.GE წერს, გოგონა ოთხი წლის წინ გამორჩეულ მიღწევას მიაღწია - NASA-ში საქართველოს წარმომადგენლობით იმყოფებოდა, რაც ათასწლეულის ინოვაციის კონკურსში გამარჯვების შემდეგ გახდა შესაძლებელი.

გვანცა ჩიქოვანს გამოცემა AMBEBI.GE ესაუბრა:

"20 მაისს მქონდა ბოლო ზარი და მოულოდნელი იყო ჩემთვის ის გამოხმაურება, რაც ჩემს ფოტოებს მოჰყვა. ჩვენ სკოლა-გიმნაზიის პირველი გამოშვება ვართ. მიყვარს სწავლა და 2017 წელს ათასწლეულის ინოვაციის კონკურსში ჩემს ოთხ თანაკლასელთან ერთად გავიმარჯვე და "ნასაში" გავემგზავრეთ. ჩვენი მენტორები იყვნენ დავით სონღულაშვილი და უტა კილასონია, მათი დახმარებით შევქმენით პროექტი და გავიმარჯვეთ. "ნასაში" ერთი კვირა ვიყავით, ყოველდღიურად გვიტარდებოდა მასტერკლასები."

გოგონა ასევე საუბრობს იმ ინოვაციურ პროექტზე, რომელმაც გუნდი გამარჯვებამდე მიიყვანა:

"პროექტის ფარგლებში ჩვენ შევქმენით ხელსაწყო, რომელიც ზომავს მიწის ქანის მოძრაობას, პროგნოზირებს მიწისძვრას და ინფორმაციას SMS-ის სახით აწვდის დარეგისტრირებულ მოსახლეობას. მაშინ მერვე კლასში ვიყავი და ძალიან საინტერესოდ მახსოვს ეს პერიოდი."

გვანცა ჩიქოვანი ერთ-ერთი ნათელი მაგალითია იმისა, თუ როგორ შეიძლება ახალგაზრდობა განათლებასა და მეცნიერებაში წარმატების მიღწევით ქვეყნის ფარგლებს გარეთაც კი გამოჩნდეს. მისი გზა მომავალში, როგორც ჩანს, კიდევ ბევრ შთამბეჭდავ მიღწევას მოიტანს.