"პასუხი მხოლოდ ჩემშია" - რას წერს ბათუმში დაკარგული ბიჭის დედა?

ბათუმში დაკარგული არასრულწლოვნის, ალექსანდრე მიქელაძის ძებნა კვლავ გრძელდება

ბათუმში გაუჩინარებული მოზარდის, ალექსანდრე მიქელაძის პოვნის მცდელობები ამ დრომდე უშედეგოდ გრძელდება. ოჯახი და სამართალდამცავები ბიჭს უკვე რამდენიმე დღეა ეძებენ. ის ბოლოს 16 იანვრის საღამოს, დაახლოებით 22:00 საათზე ნახეს.

დაკარგული მოზარდის დედა, ნათია დიაკვნიშვილი, სოციალური ქსელის საშუალებით საზოგადოებას კიდევ ერთხელ მიმართავს. მისი პოსტი გულწრფელი და ემოციურია:

"რამდენჯერ მოკვდი, რომ ახლა ასეთი ძლიერი ხარ? რამდენჯერ იყვირე, რომ ახლა ასე ჩუმად ხარ? ამ კითხვებზე პასუხი მხოლოდ ჩემშია", - წერს დედა.

მოზარდის გაუჩინარება საზოგადოებაში დიდი შეშფოთების მიზეზად იქცა. მოსახლეობა აქტიურად არის ჩართული სამძებრო პროცესში, თუმცა ამ დროისთვის მისი ადგილსამყოფელი უცნობია.

შეგახსენებთ, რომ ალექსანდრე მიქელაძე უკვალოდ გაუჩინარდა და მას შემდეგ მისი კვალი არავის უპოვია. ოჯახის წევრები საზოგადოებას სთხოვენ, ნებისმიერი ინფორმაციის შემთხვევაში დაუკავშირდნენ შესაბამის სამსახურებს.