როგორი პუფი მოუხდება თქვენს მისაღებ ოთახს

მისაღებ ოთახში კომფორტი და სტილი იდეალურად უნდა იყოს გაერთიანებული. ყველაზე დიდ დროს სახლის ბინადრები ამ ოთახში ატარებენ, აქ იღებენ სტუმრებსაც. მისაღები ოთახის ავეჯის შერჩევისას, თითოეულ მცირე დეტალს დიდი გავლენა შეიძლება ჰქონდეს ინტერიერზე. ერთ-ერთი ასეთი ელემენტია პუფი - ფუნქციურობის, ლამაზი დიზაინისა და კომფორტის საუკეთესო ნაზავი. 

დღევანდელ ბლოგში ვისაუბრებთ, პუფის როლზე თქვენს ინტერიერში და დაგეხმარებით მის შერჩევაში.

როგორ შევარჩიოთ პუფი?

პუფი მხოლოდ დეკორატიული აქსესუარი არ არის — ის შეიძლება სტუმრისათვის დამატებითი დასაჯდომი ადგილი იყოს ან რთული დღის ბოლოს ფეხის დასადები. მისი გამოყენება მრავალმხრივ არის შესაძლებელი და სწორად შერჩეული პუფი კიდევ უფრო ფუნქციურსა და დახვეწილს გახდის თქვენს მისაღებ ოთახს. 

პუფის შერჩევისას მნიშვნელოვანია გაითვალისწინოთ თქვენი ინტერიერი. ავეჯი ფუნქციურად და სტილით ოთახის დიზაინში უნდა ჯდებოდეს. 

თუ თქვენი ინტერიერი თანამედროვეა, პუფი მინიმალისტური ფორმებითა და ნეიტრალური ფერებით უნდა იყოს გაფორმებული. ბოჰემური სტილის მოყვარულებისთვის კი იდეალურია ფერადი, ტექსტურიანი ქსოვილები და ბამბუკის ან ხის დეტალები. კლასიკური ინტერიერისთვის უმჯობესია მდიდარი მასალები, როგორიცაა მაგ. ხავერდი. ისინი სიმყუდროვესა და ელეგანტურობას აერთიანებენ. 

მასალის შერჩევისას გაითვალისწინეთ პრაქტიკულობა — მაგალითად, ნაჭრის პუფი შეგიძლიათ გადასაფარებლით მუდმივად განაახლოთ, ზოგი მოდელი განსაკუთრებული გამძლეობით გამოირჩევა და იოლად იწმინდება

არ დაივიწყოთ ფერი და ტექსტურა — პუფი უნდა უხდებოდეს არსებულ ავეჯსა და ფარდებს. პატარა სივრცეებში მცირე ზომის, გეომეტრიული ფორმის პუფები შესაფერისია, ხოლო დიდი ოთახისთვის მასიური ან ოვალური პუფი სივრცის ცენტრად იქცევა.

შეჯამება

სწორად შერჩეული პუფი არა მხოლოდ კომფორტს, არამედ დახვეწილ სტილსაც შემატებს თქვენს მისაღებ ოთახს. ბაზარზე შეხვდებით ყველანაირი ფორმის, ფერისა და მასალის ავეჯს, რომელიც თქვენს მისაღებ ოთახს გაალამაზებს.