მოხარშული მჭადები ქონდრიანი ხაშლამის წვენში - ესმა კუნჭულიას აღმოჩენა

ესმა კუნჭულია ხშირად მოგზაურობს საქართველოს კუთხეებში და თავის გამომწერებს უზიარებს კულინარიულ აღმოჩენებს. ამჯერად მან ყაზბეგური კერძის - ალტამას - შესახებ დაწერა, რომელიც, მისი თქმით, არის მოხარშული მჭადები ქონდრიანი ხაშლამის წვენში.

გიტვებთ პოსტს:

ყაზბეგური - ალტამა - შებრძანდა გასტრონომიულ მუზეუმში✊

გასტრონომიული მუზეუმი - სამშობლოს გემო და სუნია

ალტამა - მოხარშული მჭადები ქონდრიანი ხაშლამის წვენში (კიო, სიმინდი ყაზბეგშიც მოგვყავდაო... მოხევეებმა მითხრეს. გლობალიზაციის პირველი მოწმეა სიმინდი, კოლუმბის მზითვი -  აღმოაჩინა 1495 წელს)!!!

ალტამა ჰქვია გუდამაყრულად და მოხევურად.

მთის კილოთა ლექსიკონში სიტყვა “ალტამა” განიმარტება ასე: სიმინდის ცომი პატარა კუპატებად მოხარშული

სიტყვა “კუპატზე” რამდენი ხანია ვმუშაობ, იცით, ჩემმა მკითხველმა კუპატი - პურია სულხან საბა ორბელიანის ლექსიკონში!!!

მისი სინონიმებია: ანტრია - ფშავურად; ღურღუჭელი და გორდილა!!

ესაა რა… ლინგვისტიკა ინახავს კოდებს.

ენა - ნიშანთა სისტემაა!!

P.s. რეალურად “აღმოჩენა” არ არსებობს ჩემი საგნის მეცნიერებიდან - “მეხსიერების კვლევებიდან” (Memory Studies) - ესა ლატენტური, პასიური მეხსიერება, რომელიც არსებობს სადღაც და ჩვენ არ ვიცით.

მათი გაცნობა ჩვენს პატრიოტიზმს ანაყრებს