"კორონავირუსის პერიოდში უფრო მეტი ტურისტი იყო, ვიდრე წელს" - რესტორატორთა ასოციაცია

23-07-2023
გიორგი ზ.
Aa

ტურიზმის ეროვნული ადმინისტრაციის სტატისტიკით, პირველ ორ კვარტალში საქართველოს 2,8 მილიონი საერთაშორისო მოგზაური სტუმრობდა, რაც პანდემიამდელ პერიოდის მაჩვენებლების 74%-იან აღდგენას ნიშნავს. მეორე კვარტალში კი ქვეყანას 1,6 მილიონზე მეტი საერთაშორისო მოგზაური ეწვია.

ტურიზმის ბიზნესი ამბობს, რომ ოფიციალური სტატისტიკა მნიშვნელოვნად განსხვავდება იმ რეალობისგან, რაც ტურიზმის სფეროში დღეს ხდება. რესტორატორთა ასოციაციის დამფუძნებელი კოტე გაბრიჩიძე BMGTV-ის გადაცემა „საქმიან დილაში“ ამბობს, რომ კორონავირუსის პერიოდში მეტი ტურისტი იყო, ვიდრე ახლა.

"შარშან კორონას პერიოდში უფრო დიდი ნაკადი არსებობდა ტურისტის, ვიდრე წელს, აღარ ვსაუბრობ 2019-2018 წლებზე - ამ წლებში ბევრად მეტი ტურისტი იყო. აქ რომ ხედავენ ევროპული გარეგნობის ხალხს ტურისტი ჰქონიათ - ის ტურისტი არ არის, ის არის აქ პერმანენტულად მაცხოვრებელი, უკვე ერთი ან ორი წლით ჩასახლებული.

ამის ხარჯზე ვიღაცას ჰქონია, ტურიზმი ყვავის, მაგრამ დღესდღეობით ტურიზმი ნამდვილად არ ყვავის და რის ხარჯზეა ეს გრანდიოზული ციფრები მე არ ვიცი. შეიძლება დათვლის მეთოდები აქვთ სხვანაირი. ამ ქუჩაზე, ახლა ლესელიძეზე ვიმყოფებით, მიტინგივით დადიოდა ტურისტები შარშანაც კი წელს ფაქტია, არ არიან“, - განაცხადა მან.


Facebook კომენტარები
სხვა სიახლეები